მნიშვნელოვანი გადაწყვეტილებები ბიზნესის საწყის ეტაპზე

გადაწყვეტილებები, რომელსაც ბიზნესის საწყის ეტაპზე ვიღებთ, ხშირად, მომდევნო პროცესებს და წარმატების ხარისხს განაპირობებს. ამ დროს, შეცდომების დაშვების ალბათობა ყველაზე დიდია, ამიტომ არის საკითხები, რასაც მეტი ყურადღება უნდა დაეთმოს. ბიზნესის მფლობელისთვის ყველაზე დიდი გამოწვევა პასუხისმგებლობის აღება და ნებისმიერი დეტალის სწორად დაგეგმვაა. გთავაზობთ ოთხ მნიშვნელოვან საკითხს, რაზეც დიდი მოგზაურობის დასაწყისში დაფიქრება მოგიწევთ.

ბიზნესის სტრუქტურის განსაზღვრა

კომპანიისთვის ბიზნესის სტრუქტურის შესარჩევად რამდენიმე ვარიანტი არსებობს, რაც შემდგომში საქმიანობის მიმართულებას განაპირობებს. თითოეულ სტრუქტურას მისი დადებითუ და უარყოფითი მხარეები გააჩნია. ეს გადაწყვეტილება შემდგომ გავლებას მოახდენს გადასახადებზე, დაფუნანსებასა თუ სხვადასხვა იურიდიულ უფლებამოსილებებზე.

მარკეტინგის ბიუჯეტი

მაქსიმალური ხარისხის მიღწევა და ჩრდილში ყოფნა, თუ დაბალანსებული ცნობადობასთან ერთად? რასაკვირველია, მარკეტინგში ფინანსების ჩადება არსებითია ბიზნესის ზრდისთვის, განსაკუთრებით ადრეულ სტადიაზე. თუმცა დარწმუნდით, რომ კომპანია მზად და გამართულად მუშაობს, შეუძლია მომხარებლის დაკმაყოფილება, ვიდრე მას ხალხს გააცნობთ. დამწყები ბიზნესმენები ხანდახან თვლიან, რომ სოციალური მედიის ნაწილი ხელსაწყოების ცოდნა, საკმარისია ბრენდის პოპულარიზაციისთვის, თუმცა სიმართლე ისაა, რომ საფუძვლიანი ციფრული მარკეტინგის მცოდნე სპეციალისტი უდიდეს როლს თამაშობს ორგანიზაციაში.

მჭირდება იურისტი?

ყველა სახის ბიზნესი სამართლებლივი დაწესებულებაა, რაც გულისხმობს რეგულაციების და კანონების ზედმიწევნით დაცვის აუცილებლობას. ეს ის დელიკატური საკითხებია, რისი დეტალების არად ჩაგდება, სარისკო საქმეა. პარტნიორთან შეთანხმება, სავაჭრო მარკის მინიჭება, დასაქმებულთა ხელშეკრულებები, ინტელექტუალური საკუთრება, რეპორტი… ეს ის მცირე ჩამონათვალია, რაც ბიზნესს ნებისმიერ ფეხის ნაბიჯზე სჭირდება და მოყვარული იურისტი ვერ გაუმკალვდება. ამისთვის, IGAL-ს ჰყავს პროფესიონალები, რომლებიც გაგიწევენ ცალკეულ მომსახურებას, ან გამოგზავნიან მუდმივ თანამშრომელს თქვენს ოფისში. IGAL-ის იურისტი პრობლემას მანამდე გადაჭრის, ვიდრე ის რეალურ პრობლემად იქცევა. რაც მთავარია, გაითვალისწინებს ყველა იმ ლეგალურ ასპექტებს, რაც ბიზნესის მართვასთანაა დაკავშირებული და დაიცავს თქვენი კომპანიის ინტერესებს.

მჭირდება ბუღალტერი?

ბიზნესის ტიპიდან გამომდინარე, არსებობს ორი არჩევანი: გყავდეთ მუდმივი თანამშრომელი ბუღალტერი, ან ხელშეკრულებაზე დაფუძნებული აუთსორს პროფესიონალი. ბიზნესის უმეტესობა სამი წლის მანძილზე იხურება, ფინანსების არასწორი მენეჯმენტის მიზეზით. თქვენ შეგიძლიათ დაიქირაოთ IGAL-ის ბუღალტერი, რომელიც სწორი გადაწყვეტილებების მიღებაში დაგეხმარებათ, გაგიწევთ ნებისმიერ ფინანსებთან დაკავშირებულ სერვისს და მოგცემთ საშუალებას, მშვიდად მართოთ ბიზნესი. 

მართალია, ბიზნესის პირველი წელი საკმაოდ რთულია, თუმცა სწორი გუნდის შემოკრებით ნებისმიერ გამოწვევას დაძლევთ.

რას უნდა მოიცავდეს ბიზნეს-ხელშეკრულება

ხელშეკრულება მკაცრი წესების დაცვით შექმნილი დოკუმენტია, რაც ორი ან მეტი მხარის შესათანხმებლადაა მიმართული. სწორედ ამიტომ, მსგავსს საპასუხისმგებლო საქმეს, როგორც წესი, კომპანიაში იურისტი ითავსებს. თუმცა, ხელშეკრულების ელემენტების ცოდნა გვიმარტივებს როგორც ხარვეზის აღმოჩენას, ასევე მის დაწერას.

ხელშეკრულებას აუცილებლად უნდა ჰქონდეს ექვსი კომპონენტი, რაც მას ვალიდურს და სასარჩელო ძალის მქონეს გახდის. პირველი სამი შეეხება ხელშეკრულებას, დანარჩენი კი იმ მხარეებს, რომელიც ხელს მოაწერს.

შეთავაზება და ორმხრივი თანხმობა

• კონტრაქტს აუცილებლად უნდა გააჩნდეს კონკრეტული შეთავაზება და მასზე თანხმობა.
• მხარეები უნდა თანხმდებოდნენ ერთიდაიმავე პირობებს.
• ხელმოწერა უნდა შესრულდეს თავისუფალი ნებით, ყველანაირი ზემოქმედების გარეშე.

გასამრჯელო

• მხარეებს შორის უნდა მოხდეს რაიმე ღირებულის გაცვლა.
• ღირებულებას შესაძლოა გულისხმობდეს სერვისი, პროდუქტი ან ფული. ორივე მხარე უნდა აწვდიდეს რომელიმე ზემოთხსენებულს. თუკი, ეს პუნქტი შესრულებული არ არის, ეს ითვლება საჩუქრის გაცემად.

უფლებამოსილება

• მხარეებს ამომწურავად უნდა ესმოდეთ ხელშეკრულებაში არსებული მოთხოვნები და უნდა ეთანხმებოდნენ ყველა პუნქტში.
• მხარეებს შორის არ უნდა იყოს არასრულწლოვანი, ალკოჰოლის ან ნარკოტიკების ზემოქმედების ქვეშ მყოფი ადამიანი, ან მწვავე ფსიქიკური პრობლემების მქონე ადამიანი.

სამართლებლივი მიზანი

• ხელშეკრულების მიზანი უნდა იყოს ლეგალური.
• მართალია, ხელშეკრულებაში შეცდომის დაშვება ან კომპონენტის გამოტოვება არალეგალური არაა, თუმცა მისი გასაჩირვება სასამართლოზე შესაძლებელი არაა.

ასევე გახსოვდეთ:

• სიტყვიერი შეთანხმების გასაჩივრება ხშირად შეუძლებელია. ყოველთვის მოითხოვეთ წერილობითი ხელშეკრულების დადება.
• ეცადეთ ხელშეკრულება იყოს მარტივი.
• აუცილებელია მხარეების სწორი იდენტიფიკაცია, კორპორაციისთის შესაბამისი იურიდიული სახელის მინიჭება.
• მნიშვნელოვანია კონკრეტული დეტალები მხარეების უფლება-მოვალეობების შესახებ.
• განსაზღვრეთ საგადასახადო ვალდებულებები.
• შეთანმხდით ხელშეკრულების შეწყვეტის პირობებზე.

თუ გსურთ, პროფესიონალურ დონეზე ხელშეკრულების შაბლონის დამზადება, IGAL-ის იურისტი მზადაა დაგეხმაროთ. გთავაზობთ იურიდიული მომსახურების ფართო სპექტრს, რომელიც უზრუნველყოფილია საუკეთესო ხარისხით.

როგორ დავიცვათ ინტელექტუალური საკუთრება

არ აქვს მნიშვნელობა კომპანიის მასშტაბებს, მულტინაციონალური კორპორაციაა თუ ახლახან დაფუძნებული სტარტაპი, სადაც ორი ადამიანია დასაქმებული, ინტელექტუალური საკუთრების დაცვა უმთავრესი დეტალია. საჭირო ნაბიჯების გადადგმა დაგეხმარებათ დაიცვათ კომპანიის ფასეულობა და მოიპოვოთ უპირატესობა ბაზარზე. ასევე, თავიდან აგაცილებთ სამომავლო დავას, რაც დიდ დროს, ენერგიას და ფინანსებს მოითხოვს.

პირველ რიგში, გავიხილოთ რა არის ინტელექტუალური საკუთრება? ეს არის ნებისმიერი ორიგინალური, უნიკალური შემოქმედება, როგორიცაა გამოგონება, პროგრამა, დიზაინი, ლოგო, სახელი და შინაარსი. ინტელექტუალური საკუთრება ოთხ კატეგორიად იყოფა- პატენტი, სავაჭრო მარკა, დიზაინი და საავტორო უფლება.

პატენტი

პატენტი იცავს ტექნოლოგიურ გამოგონებებს, პროდუქტს და პროცესებს. თავიდან აგვაცილებს უსიამოვნებას, სხვა კომპანიამ შექმნას თქვენი პროდუქტის ასლი, აწარმოოს და გაყიდოს. პატენტის რეგისტრაცია გარკვეულ პროცედურებთანაა დაკავშირებული, რაშიც IGAL-ის ექსპერტები დაგეხმარებიან.

სავაჭრო მარკა

სავაჭრო მარკა იცავს ნებისმიერ რამეს რაც პროდუქტთან ან კომპანითან აიგივდება, როგორიცაა ლოგო, სლოგანი, სიტყვები, კონკრეტული ფერი, სახელი, სიმბოლოები. 

დიზაინი

თუ ქმნით პროდუქტის უნიკალურ ვიზუალს, როგორიცაა შეფუთვის ფორმა, ან სხვა ორიგინალური რამ, თქვენ შესაძლოა ამ დიზაინზე კონკრეტული უფლებები გაგაჩნდეთ. დიზაინის რეგისტრაცია თქვენს საავტორო უფლებას დაახლოებით 20 წლის მანძილზე იცავს.

საავტორო უფლებები

საავტორო უფლებები იცავს ნებისმიერ ჩანაწერ ნამუშევარს, როგორიცაა მუსიკა, თეატრალური დადგმა, ხელოვნების ნიმუშს და პროგრამულ კოდსაც კი. საავტორო უფლებები ავტომატურად მიენიჭება ნამუშევარს, არ არის საჭირო ნამუშევრის დარეგისტრირება პლაგიატიზმისგან თავგადასავად, საკმარისია მხოლოდ ‘’©’’ ნიშნის დამატება.

შესაბამისი ინტელექტუალური საკუთრების დაცვა უმნიშვნელოვანელსია თქვენი ბიზნესისთვის, რადგან ამ მხრივ ცნობს კომპანიას მომხმარებელი. IGAL დაგეხმარებათ გაანალიზებაში, თუ რა მხრივ სჭირდება კომპანიას დაცვა და წარუძღვება შესაბამის პროცესებს.